اسامہ قتل کیس کی تحقیقات کے لئے چیف کمشنر اسلام آٰباد نے جے آئی ٹی بنا دی۔

اسلام آباد: (میڈیا ون نیوز) اسامہ قتل کیس کی تحقیقات کے لئے چیف کمشنر اسلام آٰباد نے جے آئی ٹی بنا دی۔ سینٹ کمیٹی نے بھی نوٹس لے لیا، چھ جنوری کو اجلاس طلب کرلیا گیا۔

اسلام آباد میں پولیس گردی سے نوجوان جاں بحق، مشترکہ تحقیقاتی ٹیم بن گئی۔ آئی ایس آئی، ایم آئی اور آئی بی کے نمائندے بھی شامل کئے گئے ہیں۔ چیف کمشنر کی جانب سے نوٹی فکیشن کے مطابق انسداد دہشتگردی ایکٹ کے سیکشن 19 کے تحت بنی جے آئی ٹی کے سربراہ ایس پی صدر سرفراز ورک ہوں گے۔ آئی ایس آئی، ایم آئی اور آئی بی کا ایک ایک نمائندہ، ڈی ایس پی رمنا، ڈی ایس پی انویسٹی گیشن اور ایس ایچ او رمنا بھی جے آئی ٹی میں شامل ہے۔

دوسری طرف سینٹ کی انسانی حقوق کمیٹی نے بھی معاملہ کا نوٹس لے لیا، چیئرمین کمیٹی مصطفی نواز کھوکھر کا کہنا تھا کہ والدین اور پیارے کس اذیت سے گزررہے ہوں گے، اس درد کو بیان کرنا ممکن نہیں، ہتھیارکا استعمال آخری آپشن ہونا چاہیے۔

اپنا تبصرہ بھیجیں